Iskahorimaad ku dhex maray Alshabaab iyo xoolo dhaqato deegaan ka tirsan Sh/dhexe

Wararka ka imanaya gobolka Sh.dhexe ayaa sheegaya in iska horimaad hubeysan uu ku dhex maray deegaanka Warciise oo dhinaca Bari kaga beegan 25 km magaalada Jowhar maleeshiyo ka tirsan Alshabaab iyo xoolo dhaqato.

Iskahorimaadkan ayaa la sheegay in uu ka bilowday xoolo dhaqato hubeysan oo dooneysay inay ka saaraan miino lagu aasay dhulka meel u dhexeysa deegaanada Warciise iyo Wardhagax balse ay soo weerareen maleeshiyaad Alshabaab oo miinada halkaa ku aasay.

Wararka waxa ay sheegayaan in iskahorimaadkan ay ku dhinteen labo ruux oo ka mid ahaa xoolo dhaqatadii dooneysay inay miinada ka saaraan wadada halka ay ku dhaawacmeen afar ruux oo saarnaa gaari bas ah oo marayay meel ku dhow halka uu dagaalka ka dhacay.

Afarta ruux ee dhaawacantay ayaa la sheegay in ay saarnaayeen gaari u sidey deegaanka Warciise Qaad iyadoo dadka dhaawacmay la keenay isbitaalka magaalada Jowhar.

Ciidamada dowlada ayaa la sheegay in markii dambe ay goobta gaareen iyagoo halkaa baaritaano ka sameeyay. Mana jirto illaa iyo hadda wax war ah oo ka soo baxay maamulka gobolka Sh/dhexe iyo kan dowlad goboleedka Hirshabeelle.

Wararka kale ee ka imanaya dowlad goboleedka Hirshabeelle ayaa sheegaya in bam lagu weeraray maqaaxi ku taal magaalada Beledweyne. Labo ruux ayaa ku dhimatay weerarkan bambaano iyaoo saddex kale ay ku dhaawacmeen mana jiro cid sheegatay weerarkann bambaano.

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (0)




Advertisement

Wararkii Ugu Danbeeyay

DHAGEYSO:- Midowga Yurub oo bixinaya Mushaarka Ciidanka Booliiska Somaliya
- Aug 16, 2017
Kulan uu soo qaban qaabiyay Xafiiska Hormarinta Midawga Yurub u qaabilsan Soomaaliya oo ay ...
DAAWO:- Madaxweynaha Turkiga oo waraaqaha aqoonsiga ka guddoomay Safiirka cusub ee Somaliya u fadhin doono Turkiga
- Aug 16, 2017
Madaxwaynaha dalka Turkiga Erdogan ayaa maanta Waraaqaha Safiirnimo ka Gudoomay Safiirka cusub ee Soomaaliya ...
Abuu Muscab oo sheegay inay shan askari ku dileen dalka Kenya iyo kuwo kalena ay..
- Aug 16, 2017
C/casiis Abuu Muscab, Afhayeenka Ciidamada Ururka Al Shabaab, ayaa waxaa uu sheegay inay shan ...
Xaaska Madaxweyne Mugabe oo Jir dil u geysatay Gabar 20 Jir ah iyo dacwad loo heysto
- Aug 16, 2017
Warbaahinta dalka Koonfur Afrika ayaa baahisay in dacwad lagu soo oogay Marwada koobaad ee ...
DAAWO:- Ra’isal Wasaaraha oo la kulmay Wafdi ka socda Midowga Yurub
- Aug 16, 2017
Ra’iisul Wasaaraha Xukuumada Federaalka Soomaaliya Mudane Xasan Cali Khayre oo maanta kulan la qaatay ...
Raila Odinga oo War Cusub soo saaray,kuna dhawaaqay go’aanka uu ka qaatay doorashadii Kenya ka dhacday
- Aug 16, 2017
Hoggaamiyaha Mucaaradka Kenya Raila Odinga ayaa maanta ku dhawaaqay inuu Maxkamadda ugu sareysa dalkaas ...