MAQAAL:- Halyey Hanan kara Hogaanka Dalka ma Haynaa? W/Q Ahmed A. Ali

Meelihii kale lagu hungow. Waxaa laga heli karaa hoyga rasmiga ah (Qabriga) Jaale Siyaad agtiisa★★★★★

Ilaahey ha u naxariisto Jaale Moxamed Siyaad Barre Halyey ay Dalka & Dadkiisuba u darsaeen, dhawr iyo labaatan sano kadibna ay Bulshada Soomaaliyeed tabayaan una ooyayaan.

Waan ka xumahay in maanta Soomaaliya ay gacanta u gashay koox aan Wadaninimo iyo tayo kale toona lahayn oo sida Diirta aaney waxba deeqeyn Xil iyo Xoolotoona.

Koox aan Dal, Dad iyo Duunyo toona madhxineynin oo Hogaanka talada Dalka Cadow u xushey.

Waxaa la yidhi:

Waraabe ilkihiisana uma roona, Laf meel taalana uma roona.

Kooxdani cidna uma roona marka lagu daro Beelaha iyo Jifooyonka ay ka soo Jeedaan. Waxay meesha ka saareen hab dhaqankii Soomaalidu u wada noolaan jirtay, Karaamadii iyo is tix galintii ka dhaxaysay Bulshada iyo Beelaha Soomaaliyeed iyagoo mar walba u hamuun qaba Sad Bursi iyo Quudhsiga walaalahooda ay Ab iyo Ood wadaagta yihiin.

Waxaa kale oo la yidhi: Ayax tag eelna reeb.

Waxaa wax aad looga xumaado ah sida kooxdani ay u baabi’iyeen Dalka & Dadkiisaba oo uu ugu horeeyo dhaqankii iyo meeshii kaliya ee Soomaali u fayoobeyd. Waa Marjacii loo noqon jirey marka xaaladu murugto oo ah Hogaamiye Dhaqameedkii iyo Cuqaashii Beelaha.

Waxay ka dhigeen Hogaamiye dhaqameedyadii kuwo Laaluush, Musuq-maasuq iyo dhaqan xumadii ku milmey oo ba’ay iyo kuwo ay ku kariwaayeen oo ay Kooxdani ka dul tallaabsadeen, badaleen ama dileenba.

Kooxdani waa Calooshooda u shaqeystayaal aan wadaninimo laheyn hadafkoodu yahay si ay BEESO u gurbistaan oo kaliya.

Si ay hadafkaa u gaadhaan waxay Mitir la dul taaganyihiin Dhiigii Dadka iyo Hantidii Qaranku lahaa Bad iyo Barriba iyagoo Soomaali iyo Shisheeyaba ka iibinaya.Dhaqaalaha ka soo gala iibka Hantida Qaran waxaa damacoodu yahay, in ay dib ugu hantaan Talada Dalka iyagoo taageero ka helaya Cadowga Soomaaliyeed.

Waxaynu markhaati ka nahay oynu wada daawaneynaa Kooxdan oo isku koobtay in Taladii Dalka ay iyagu isu dhii-dhiibaan Soomaalidii kalena ay ka ilaaliyaan iyagoo adeegsanaya Hantidii Qaranku lahaa iyo cudud Milatari ama Ciidan oo shisheeye oo ay ka mid yihiin kuwo aan dooneyn in Somaaliya ay dib cagaheeda isugu taagto.

Hadaba waxaa inala gudboon in aynu diidno Kooxdan ay Talada Dalka ku ilaashanayaan Cadowga Soomaalidu.

Anigoo Ilaahey SWT ka baryaya in Soomaaliya isagaa wax doortee uu u dooro Hogaamiye Samatabixin kara meeshuu doono ha ka soo jeedee, bal aynu eegno Jifada Talada Dalka Soomaaliya uu Cadowgu ka hor taaganyahay, haduu ku arkana uu markiiba ku soo duulo si uu uga tuuro.

Soomaalay arka, maqla, ogaada oo garowsada in maanta uu jiro Reer qudha oo uu Cadowga Soomaaliya ka ilaalinayo Talada Dalka. Reerkaasi waa Reerkii uu ka soo jeedey Allah ha unaxariistee Jaale Moxamed Siyaad Barre.

Mar walba waxaad aragtaan in ninka Siyaasiga ah ee Jifadii Jaale Siyaad ka soo jeeda ay Cadowga Soomaliya ka ilaalinayaan Talada Dalka iyagoo Maal iyo Muruqba isugu geeya in ay u iibsadaan Xil-madhibaanada Soomaaliyeed oo u adeegsada wax loogu yeedho mooshin Xilka lagaga tuuro, waa hadiiba ay kartidooda ku yimaadaan.

Siyaasiyiintaasi waa kuwo Cadowgu mar walba xidho iyo kuwo uu ku soo duulo marka uu ku arko iyagoo meel ka soo galay talada Dalka iyo kowo uu kor dhigto Daba-dhilifyo uu isagu aaminsanyahay.

Hogaamiha yeelan kara sifooyinkii Jaale Siyaad ee Dalka iyo Dadkaba badbaadin kara, Karaamadii, Sharaftii, Nabadgalyadii iyo Hanaankii Dowladnimo ee Soomaali lahaan jirteyna soo celin kara, iyadoon laga yaabin in uu Hanti Qaran, Bad iyo Barri toona iibsado halaga raadiyo Jaale Siyaad halka uu ku aasanyahey……………………….
Mahadsanidin;

Ahmed A. Ali
ahmedqadhabo@gmail.com

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (0)




*

code

Advertisement

Wararkii Ugu Danbeeyay

XOG RASMI AH:- Al-Shabaab oo Bil kasta $80,000, ka hela Wadan Caan ah
- Jan 23, 2017
Wargeyska Walta Info,ayaa qoray maqaal dheer oo uu kaga hadlayay dhibaatada ku hareereysan Dowladda ...
TOP DHAGEYSO:- Meel ka mid ah Soomaaliya oo Laga Mamnuucay Raga iyo Dumarka in ay Gaari isla raacaan
- Jan 23, 2017
Taliyaha Boliska Degmada Galdogob  ee Gobalka Mudug Cabdi Xamiid Xuseen  oo Warbaahinta Ku hadalay ...
TOP DHAGEYSO:- Sidee looga Fogaan Karaa Khilaaf soo kala dhex gala Golaha Shacabka iyo Aqalka Sare ?
- Jan 23, 2017
Guddoomiyaha Golaha aqalka sare ee dalka Cabdi Xaashi Cabdullahi,ayaa sheegay in doorashadiisa kaddib ay ...
TOOS U DHAGEYSO:- Ammaanka Muqdisho oo la adkeeyay iyo Ciidamo Gaara oo Wadooyinka lagu arkayo
- Jan 23, 2017
Ciidamada Booliiska Gobolka Banaadir ayaa si weyn u sugaya amaanka Muqdisho inta ay socdaan ...
XOG CUSUB:- Loolan hoose oo ka dhex socda musharaxiinta reer Puntland
- Jan 23, 2017
Murashaxiinta u tartamaya xilka madaxweyne ee Soomaaliya, kuwooda kasoo jeeda beesha reer Puntland ayaa ...
XOG XASAASI AH:- Maxaa kala qabsaday Michael Keating iyo Shariif Sheekh Axmed ?
- Jan 23, 2017
Ergayga gaarka ah ee QM u qaabilsan Arrimaha Somalia, Michael Keating oo kulan gaara ...