MAQAAL:- Galmudug Waa Dhimatay Ee Ha Laga Tashado.

Dad badan oo xog ogaal ah ayaa saluugay cinwaanka qoraalkan oo yiri waxaa ka habboon “Galmudug waa bakhtiday ee ha laga tashado “. Waa bakhtiday waxaa loo isticmaalaa waxaan si sharciga waafaqsan ku dhallan /dhaqmin oo qaab dhaalimnimo ah ku khaatumeysta.Dadkaas daliilkoodii caddaa ma diidin oo run buu ku saleysnaa,hase yeeshee asluubta qoraalka awgeed baan u qaatay cinwaankan kore.

Galmudug waxay ka soo jeeddaa Gobolkii Galgaduud iyo qeyb ka mid ah Koofurta iyo bariga Mudug oo si wadajir ah loo mideeyey loona baxshay Galmudug -hase yeeshee an waddo sharci ah loo marin.Duruuf jirtey awgeed, qabaa’ilada dhulkaas degani waa ku samreen inay aqballaan Galmudug ayagoo xal-doon ah balse og xaqiiqda jirta. Sharci-darrada ka sokow, waxaa waqtigu xaqiijiyey in an dawladdu daacad ka ahayn dhismaha maamulka Galmudug ee dano gaar ah ay ka lahayd, sida;fududeynta googoynta Somalia si ay u baaba’do taasoo wadamo shisheeye ahi ay daba ka riixayaan, kala qoqobka qabaa’ilada iyo in laga soo xulo Xildhibaano u heelan sidii dib loogu soo dooran lahaa Madaxweynaha waqtigiisii dhamaaday.

Doorashadii ka dhacday Galmudug waxay ahayd taariikhda Somalia middii ugu musuqmaasuqa badneyd oo boob, laalush iyo daw-dhaaf oo dhan lagu maamulay. Xaafiiska Guddiga Xallinta Khilaafaadka Galmudug waa la xiray oo madaxdiisii inta la handaday baa la masaafuriyey, sidoo kale guddiga doorashada heer dawlad- gobolleed wuxuu u shaqeynayey sidii asagoo ka madax-banaan kan heer Federal! !Dhaqanka madaxdu wuxuu u ekaa inay saad-qaadaneyso oo Galmudug dhamaatay. Qabaa’ilada deegaanku dhibaatadii, caddaalad-darradii iyo iska-hor-keenkii loo geystay awgeed waa ka quusteen Galmudug. Haddaba, maxaa xigi kara quustan.

Xeel-dheerayaasha siyaasaddu waxay saadinayaan in Galmudug u kala burburi doonto ugu yaraan Maamulka Gobollada Dhexe, Galgaduud Sare, Galgaduud Bari,Ximan iyo Xeeb, Koofurta iyo Bariga Mudug (Ex Galmudug ),iwm. Waxaa muhim ah in lagu wacyi-geliyo dadka in kala tagani usan noqon mid dhiig badani ku daato oo ay iska kaashadaan maanta sidii loola xisaabtami lahaa cidda mas’uuliyadda leh oo danta ka raadineysa dhibaatada dadka iyo dalka Somalia.

Ugu dambeyn, waxaa muhim ah in la is-xusuusiyo in laaluushka, carqalladeynta hannaanka dimuqraadiyadda /doorashada iyo dawlad-dhiska, xad-gudubka xuquuqda aadanaha, iyo han-jebinta dadyowga colaadaha ka soo kabanaya ay maanta tahay dembi caalami ah oo ciddii gashaa in la aqoonsado oo la ciqaabo ay mudan tahay. Sidaas waxaa waafaqsan oo mas’uuliyaddi ka saaran tahay dhammaan dawladaha adduunka ee Somalia daneeya.

Waxaan soo dhaweynayaa cid kasta oo tallo ka dhiibanaysa sidii looga bixi lahaa hungada iyo dhibaatada lagala kulmay Galmudug.

—-DHAMMAAD—-

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (0)




*

code

Advertisement

Wararkii Ugu Danbeeyay

XOG RASMI AH:- Al-Shabaab oo Bil kasta $80,000, ka hela Wadan Caan ah
- Jan 23, 2017
Wargeyska Walta Info,ayaa qoray maqaal dheer oo uu kaga hadlayay dhibaatada ku hareereysan Dowladda ...
TOP DHAGEYSO:- Meel ka mid ah Soomaaliya oo Laga Mamnuucay Raga iyo Dumarka in ay Gaari isla raacaan
- Jan 23, 2017
Taliyaha Boliska Degmada Galdogob  ee Gobalka Mudug Cabdi Xamiid Xuseen  oo Warbaahinta Ku hadalay ...
TOP DHAGEYSO:- Sidee looga Fogaan Karaa Khilaaf soo kala dhex gala Golaha Shacabka iyo Aqalka Sare ?
- Jan 23, 2017
Guddoomiyaha Golaha aqalka sare ee dalka Cabdi Xaashi Cabdullahi,ayaa sheegay in doorashadiisa kaddib ay ...
TOOS U DHAGEYSO:- Ammaanka Muqdisho oo la adkeeyay iyo Ciidamo Gaara oo Wadooyinka lagu arkayo
- Jan 23, 2017
Ciidamada Booliiska Gobolka Banaadir ayaa si weyn u sugaya amaanka Muqdisho inta ay socdaan ...
XOG CUSUB:- Loolan hoose oo ka dhex socda musharaxiinta reer Puntland
- Jan 23, 2017
Murashaxiinta u tartamaya xilka madaxweyne ee Soomaaliya, kuwooda kasoo jeeda beesha reer Puntland ayaa ...
XOG XASAASI AH:- Maxaa kala qabsaday Michael Keating iyo Shariif Sheekh Axmed ?
- Jan 23, 2017
Ergayga gaarka ah ee QM u qaabilsan Arrimaha Somalia, Michael Keating oo kulan gaara ...