Qaramada Midoobay oo qorshe ku aadan amaanka u dajishay Suuriya

Golaha Ammaanka ee Qaramada Midoobay ayaa xalay si aqlabiyad ah u meel mariyay qaraar lagu taageerayo hannaanka nabadeed ee Suuriya.
Waa markii ugu horreysay muddo shan sana ah oo dalkaasi Suuriya uu ka socday dagaal ba’an oo golahan ay u suuragashay in uu isku raaco hannaan siyaasadeed oo la isugu dayayo in lagu dhameeyo dagaalkaasi.
Qorshahan uu taageeray Golaha Ammaanka ayaa waxa uu ku baaqayaa xabad joojin ka dhaqangasha guud ah dalka oo dhan iyo wadaxaajood siyaasadeed, kuwaasi oo looga gol leeyahay in lagu bilaabo wadahadal bisha Janaayo ee sanadka soo socda.
Waa qorshe wanaagsan oo jaangoyn u ah rajada ah in ugu yaraantii ay taageerayaasha dowladda iyo mucaaradka ay wada aqbali karaan.

Qaraarkan ayaa waxba kama oranayo mustaqbalka Madaxweyne Assad, balse waxa uu qeexayaa in dadka reer Suuriya ay tahay in ay go’aan ka gaaraan mustaqbalka waddankooda isla markaana ay dajiyaan jadwal doorasho xor iyo xaq ah oo ay Qaramada Midoobay kormeere ka tahay oo lagu qabto 18 bilood gudahood.
Haatan wadammada Reer Galbeedka iyo Carabta ayaa aqbalay in Madaxweynaha Suuriya uu qeyb ka sii ahaado kala guurka siyaasadeed, waxayse ku adkaysanayaan in ugu dambeyntii uu meesha ka baxo.
Balse dhinacyada soo qoray tubta nabadda ee Suuriya ayaa rumaysan in soo afjaridda colaadda sokeeye ee Suuriya ay tahay sida kaliya ee loola dagaalami karo kooxda la baxday Dowladda Islaamiga ah, kooxdaasi oo aad ugu fidday gudaha Suuriya iyadoo ka faa’iidaysatay qalalaasaha dalkaasi ka jira.
Dhinacyada ayaa ku rajaweyn in taageerada Qaramada Midoobay ay wax wayn ka tari doonto geedi socodka nabadda Suuriya islamarkaana ay tahay wax ay ku diirsadaan dadka Suuriya.

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (0)




Advertisement

Wararkii Ugu Danbeeyay

Madaxweynaha oo magacaabay Maareeyaha Guud ee Hey’adda Saadaasha iyo Duulista Hawada Soomaaliya
- Apr 26, 2017
Madaxweynaha Soomaaliya Maxamed C/llaahi Farmaajo ayaa maanta u magaacabay Maareeyaha Guud ee Hey’adda Saadaasha ...
DAAWO SAWIRRADA: -Madaxweynaha Jubbaland oo furay garoon Casri ah oo Kismaayo laga hirgeliyay
- Apr 26, 2017
Madaxweynaha maamulka Jubbaland Mudane Axmed Maxamed Islaam ayaa manta oo Arbaco ah si rasmi ...
DHAGEYSO:- Odayaal laga si daayay Xabsi ku yaalla Baladweyne iyo Muran weli ka taagan
- Apr 26, 2017
Wararka naga soo gaaraya Magaalada Baledweyen ee gobolka Hiiraan ayaa waxa ay sheegayaan in ...
DHAGEYSO+SAWIRO:- Puntland Faah faahin ka bixisay Qaraxyo lagu qabtay Boosaaso iyo raggii watay
- Apr 26, 2017
Taliska qaybta Booliska gobolka Bari ee maamulka Puntland ayaa Faahfaahin ka bixiyay shan nin iyo ...
WAR DEG DEG AH:- Israsaaseyn Khasaare geysatay oo Muqdisho ka dhacday
- Apr 26, 2017
Wararka naga soo gaaraya Beerta Jaadka ee degmada Hodan ee  Magaalada Muqdisho ayaa waxa ...
DHAGEYSO:- Xildhibaano Taageeray Mooshinka horyaalla Baarlamaanka, Kana Soo horjeestay in la kala qeybiyo Ciidamada Dowladda
- Apr 26, 2017
Xildhibaan Axmed Macalin Fiqi oo ka mid ah Xildhibaanada Baarlamaanka Somaliya, ayaa si weyn ...