Chicharito Oo Ka Saaciday Man Utd Inay Si Sahlan Ku Dubtaan Fulham, Una Talaabto Wareega 16ka FA Cup.

Manchester United ayaa garoonkeeda Old Trafford waxa ay si sahlan kaga talaabsatay kooxda Fulham iyagoo ku dubtay 4-1 ciyaar ka tirsaneyd wareega 4aad ee FA Cup.

Man United ayaaba ciyaarta hogaanka u qabatay daqiiqadii labaad markii garsoore Clattenburg uu u dhigay rigoore markii Aaron Hughes uu kubad gacanta ku taabtay isagoo ku dhex jira diilinta ganaaxa.

Ryan Giggs ayaa u soo istaagay rigoorada islamarkaana gool u sarifay inkastoo goolhayaha Fulham uu raacay taabtayna kubada hadana ma uusan awoodin inuu celiyo.

Goolkaas rigoorada ah ayaana lagu kala nastay qeybtii hore ee ciyaarta.

Qeybtii labaad ayaa United ay fursad u heshay inay hogaanka geed dheer ku sii xirato, waxaana goolkii labaad u dhaliyay Wayne Rooney goolkaasoo mid qatar ah isagoo caawin ka helay Anderson.

Labo daqiiqo ka dib ciyaarta waxa ay noqotay 3-0, ka dib Chicharito ayaa markaana shabaqa soo taabtay ka dib markii Fulham ku guuldareysatay inay iska bixiso karoos ka kala yimid Nani iyo Rooney.

Daqiiqadii 66aad ayay United gool kale sii heshay, Hernandez ayaa mar kale shabaqa soo taabtay iyadoo kubadiisa ay ku sii dhacday Hughes, waxaana United ay si wacan uga faa’ideysatay daafacyada Fulham oo ciyaartii caawa ay u aheyd habeen xun.

Fulham ayaana gool soo ceshatay daqiiqadii 77aad ka dib markii kooner uu soo tuuray Karagounis uu madaxa la helay Aaron Hughes meel xun kubada ka geliyay shabaqa.

Guushaan ay Manchester United gaartay ayaa ka dhigeysa inay haatan u talaabeen wareega 16ka kooxood ee FA Cup.

Waxaana ay haatan isku diyaarin doonaan kulanka horyaalka ee ay bartamaha isbuucaan la ciyaarayaan kooxda Southampton.

Isha Ku Hay Allgalgaduud Media

allgalgaduud@gmail.com


Fikradaha Akhristayaasha (0)




*

code

Advertisement

Wararkii Ugu Danbeeyay

heshiis-620x330 DAAWO:- AMISOM oo Muqdisho ka furtay shir lagu heshiisiinayo beelaha ku dagaallamaya Magaalada Marka
- Sep 25, 2016
Saraakiil ka tirsan Ciidanka AMISOM iyo Maamulka Koofur Galbeed ayaa shir dib u heshiisiin ...
somaliland Maxkamadda Sare ee Somaliland oo go’aan kama dambeys ka gaartay Khilaafkii Xisbiga UCID
- Sep 25, 2016
Maxkamadda sare ee Somaliland ayaa maanta go’aan kama dambeys ah ka gaartay khilaafkii mudada ...
deg deg WAR DEG DEG AH:- Ciidamo ka tirsan Puntland oo la Wareegay Bangiga Dhexe ee Puntland
- Sep 25, 2016
Wararka inaga soo gaaraya Magaalada Garoowe ee xarunta Maamulka Puntland ayaa waxa ay sheegayaan in ...
maareeye TOP NEWS:- Wasiirka Warfaafinta Soomaaliya oo ka hadlay Dhalinyarada ku xiran Dalka Hindiya
- Sep 25, 2016
Wasiirka Wasaarada Warfaafinta Dowladda Federaalka Soomaaliya Maxamed Cabdi Xayir (Maareeye) oo la hadlay warbaahinta ...
odawaa DHAGEYSO:- Wasiir Odawaa ”Sheekh Maxamed Shaakir iyo Kooxdiisa ha dhaafaan Afduubka ay Shacabka ku hayaan, Waana ka xumahay”..
- Sep 25, 2016
Wasiirka Arrimaha Gudaha Xukuumadda Soomaaliya Cabdiraxmaan Maxamed Xuseen Odawaa oo  Magaalada  Cadaado  ku sugan ...
hadliye AKHRISO:- Khudbaddii Wasiir Hadliye ee Magaalada New york
- Sep 25, 2016
Wasiirka arrimaha dibbadda Soomaaliya C/Salaan Cumar Hadliye oo ka hadlayay shirka  heer wasiiro arrimo ...